milenge rah mein sahra bahut bahut gulshan

mileñge raah meñ sahrā bahut bahut gulshan

ye dekhnā hai kahāñ roktī hai apnī thakan

chale chalo ki hai ārāsta rah-e-manzil

kahīñ hai daar ba-qadr-e-junūñ kahīñ hai rasan

rah-e-hayāt meñ ik rang meñ the kitne rang

ulajh ke rah gayā dil kī nigāh kā dāman

thī gul-misāl mirī guftugū tire ruḳh se

churā liyā tire hoñToñ se maiñ ne rang-e-suḳhan

kahāñ kahāñ na jalī terī yaad kī qindīl

kahāñ kahāñ na huī dil kī justujū raushan

milenge rah mein sahra bahut bahut gulshan

ye dekhna hai kahan rokti hai apni thakan

chale chalo ki hai aarasta rah-e-manzil

kahin hai dar ba-qadr-e-junun kahin hai rasan

rah-e-hayat mein ek rang mein the kitne rang

ulajh ke rah gaya dil ki nigah ka daman

thi gul-misal meri guftugu tere ruKH se

chura liya tere honTon se main ne rang-e-suKHan

kahan kahan na jali teri yaad ki qindil

kahan kahan na hui dil ki justuju raushan