mili hawaon mein uDne ki wo saza yaro

milī havāoñ meñ uḌne kī vo sazā yaaro

ki maiñ zamīn ke rishtoñ se kaT gayā yaaro

vo be-ḳhayāl musāfir meñ rāsta yaaro

kahāñ thā bas meñ mire us ko roknā yaaro

mire qalam pe zamāne kī gard aisī thī

ki apne baare meñ kuchh bhī na likh sakā yaaro

tamām shahr hī jis kī talāsh meñ gum thā

maiñ us ke ghar kā pata kis se pūchhtā yaaro

jo be-shumār diloñ kī nazar meñ rahtā thā

vo apne bachchoñ ko ik ghar na de sakā yaaro

janāb-e-'mīr' kī ḳhud-ġharziyoñ ke sadqe meñ

miyāñ 'vasīm' ke kahne ko kyā bachā yaaro

mili hawaon mein uDne ki wo saza yaro

ki main zamin ke rishton se kaT gaya yaro

wo be-KHayal musafir mein rasta yaro

kahan tha bas mein mere us ko rokna yaro

mere qalam pe zamane ki gard aisi thi

ki apne bare mein kuchh bhi na likh saka yaro

tamam shahr hi jis ki talash mein gum tha

main us ke ghar ka pata kis se puchhta yaro

jo be-shumar dilon ki nazar mein rahta tha

wo apne bachchon ko ek ghar na de saka yaro

janab-e-'mir' ki KHud-gharziyon ke sadqe mein

miyan 'wasim' ke kahne ko kya bacha yaro