milin hongi jafaen aur gham-e-furqat mila hoga

milīñ hoñgī jafā.eñ aur ġham-e-furqat milā hogā

mohabbat se bharā vo dil tabhī patthar huā hogā

mohabbat aag hai aisī agar ik baar lag jaa.e

bujhāo laakh tum chāhe dhuāñ is kā sila hogā

charāġh-e-ishq to us ne jalāyā thā mirī ḳhātir

magar maiñ hī nahīñ to raushnī kā kyā huā hogā

bahāyā naam par jis ke mirī āñkhoñ ne har aañsū

kabhī kyā naam bhī us shaḳhs ne merā liyā hogā

are chhoḌo mujhe bhī hai yaqīñ apnī mohabbat par

yaqīnan is na.ī laḌkī ne Tonā hī kyā hogā

ki us kā phone to ab roz hī engage jaatā hai

batāo kab talak bolūñ mujhe dhokā huā hogā

virah ke chaar din meñ 'rīt' to mar hī ga.ī jaise

to jīvan bhar virah rādhā ne phir kaise sahā hogā

milin hongi jafaen aur gham-e-furqat mila hoga

mohabbat se bhara wo dil tabhi patthar hua hoga

mohabbat aag hai aisi agar ek bar lag jae

bujhao lakh tum chahe dhuan is ka sila hoga

charagh-e-ishq to us ne jalaya tha meri KHatir

magar main hi nahin to raushni ka kya hua hoga

bahaya nam par jis ke meri aankhon ne har aansu

kabhi kya nam bhi us shaKHs ne mera liya hoga

are chhoDo mujhe bhi hai yaqin apni mohabbat par

yaqinan is nai laDki ne Tona hi kya hoga

ki us ka phone to ab roz hi engage jata hai

batao kab talak bolun mujhe dhoka hua hoga

wirah ke chaar din mein 'rit' to mar hi gai jaise

to jiwan bhar wirah radha ne phir kaise saha hoga