ملیے ضرور اس سے ہمیشہ خوشی کے ساتھ

ملیے ضرور اس سے ہمیشہ خوشی کے ساتھ

جو آدمی بھی تم سے ملے سادگی کے ساتھ

دشمن کا ہے سلوک بھی اب یار کی طرح

تم ہی بتاؤ کیا کروں اس دشمنی کے ساتھ

خوشیوں کے ساتھ ساتھ ہے غم کا وبال بھی

دونوں جڑے ہوئے ہیں اسی آدمی کے ساتھ

مجھ کو عظیم تر کیے سر پر لیے ہوئے

کچھ لوگ جا رہے ہیں مگر خامشی کے ساتھ

ہر پہلو میری زیست کا روشن ہے یاد سے

ہر یاد بھی جڑی ہے تری سادگی کے ساتھ

یہ تو بتا دے لوگ تجھے کہہ رہے تھے کیا

جس دن ملا تھا تجھ سے بھی میں عاجزی کے ساتھ

رہبرؔ تمہارے کام کا انجام نیک ہے

ہر کام یوں ہی کرتے رہو خوش دلی کے ساتھ