milne wale kahan kahan se mile

milne vaale kahāñ kahāñ se mile

maut ko zindagī jahāñ se mile

aisā ḳhush-rang phuul hai ik tū

terā saanī nā gulsitāñ se mile

Duub jā 'ishq ke samundar meñ

rāste dil ke to vahāñ se mile

tū ḳhulūs-o-adab kā paikar hai

ab du'ā tujh ko har zabāñ se mile

baab sat-rañgī tujh ko de aa.ī

rañg jab terā āsmāñ se mile

bhuul baiThā hai vo hameñ lekin

yaad us kī to har fuġhāñ se mile

kal use shak thā 'renū' manzil kā

aaj har shaḳhs kārvāñ se mile

milne wale kahan kahan se mile

maut ko zindagi jahan se mile

aisa KHush-rang phul hai ek tu

tera sani na gulsitan se mile

Dub ja 'ishq ke samundar mein

raste dil ke to wahan se mile

tu KHulus-o-adab ka paikar hai

ab du'a tujh ko har zaban se mile

bab sat-rangi tujh ko de aai

rang jab tera aasman se mile

bhul baiTha hai wo hamein lekin

yaad us ki to har fughan se mile

kal use shak tha 'renu' manzil ka

aaj har shaKHs karwan se mile