milti hai KHu-e-yar se nar iltihab mein

Mirza Ghalib

milti hai KHu-e-yar se nar iltihab mein

Mirza Ghalib

MORE BY Mirza Ghalib

    miltī hai ḳhū-e-yār se naar iltihāb meñ

    kāfir huuñ gar na miltī ho rāhat azaab meñ

    kab se huuñ kyā batā.ūñ jahān-e-ḳharāb meñ

    shab-hā-e-hijr ko bhī rakhūñ gar hisāb meñ

    phir na intizār meñ niiñd aa.e umr bhar

    aane ahd kar ga.e aa.e jo ḳhvāb meñ

    qāsid ke aate aate ḳhat ik aur likh rakhūñ

    maiñ jāntā huuñ jo vo likheñge javāb meñ

    mujh tak kab un bazm meñ aatā thā daur-e-jām

    saaqī ne kuchh milā na diyā ho sharāb meñ

    jo munkir-e-vafā ho fareb us pe kyā chale

    kyuuñ bad-gumāñ huuñ dost se dushman ke baab meñ

    maiñ muztarib huuñ vasl meñ ḳhauf-e-raqīb se

    Daalā hai tum ko vahm ne kis pech-o-tāb meñ

    maiñ aur hazz-e-vasl ḳhudā-sāz baat hai

    jaañ nazr denī bhuul gayā iztirāb meñ

    hai tevrī chaḌhī huī andar naqāb ke

    hai ik shikan paḌī huī tarf-e-naqāb meñ

    lākhoñ lagāo ek churānā nigāh

    lākhoñ banāo ek bigaḌnā itaab meñ

    vo naala dil meñ ḳhas ke barābar jagah na paa.e

    jis naala se shigāf paḌe āftāb meñ

    vo sehr mudd.ā-talabī meñ na kaam aa.e

    jis sehr se safīna ravāñ ho sarāb meñ

    'ġhālib' chhuTī sharāb par ab bhī kabhī kabhī

    piitā huuñ roz-e-abr o shab-e-māhtāb meñ

    milti hai KHu-e-yar se nar iltihab mein

    kafir hun gar na milti ho rahat azab mein

    kab se hun kya bataun jahan-e-KHarab mein

    shab-ha-e-hijr ko bhi rakhun gar hisab mein

    ta phir na intizar mein nind aae umr bhar

    aane ka ahd kar gae aae jo KHwab mein

    qasid ke aate aate KHat ek aur likh rakhun

    main jaanta hun jo wo likhenge jawab mein

    mujh tak kab un ki bazm mein aata tha daur-e-jam

    saqi ne kuchh mila na diya ho sharab mein

    jo munkir-e-wafa ho fareb us pe kya chale

    kyun bad-guman hun dost se dushman ke bab mein

    main muztarib hun wasl mein KHauf-e-raqib se

    Dala hai tum ko wahm ne kis pech-o-tab mein

    main aur hazz-e-wasl KHuda-saz baat hai

    jaan nazr deni bhul gaya iztirab mein

    hai tewri chaDhi hui andar naqab ke

    hai ek shikan paDi hui tarf-e-naqab mein

    lakhon lagao ek churana nigah ka

    lakhon banao ek bigaDna itab mein

    wo nala dil mein KHas ke barabar jagah na pae

    jis nala se shigaf paDe aaftab mein

    wo sehr mudda-talabi mein na kaam aae

    jis sehr se safina rawan ho sarab mein

    'ghaalib' chhuTi sharab par ab bhi kabhi kabhi

    pita hun roz-e-abr o shab-e-mahtab mein

    Videos

    Videos

    Jagjit Singh

    Jagjit Singh

    Ali Raza

    Ali Raza

    0
    COMMENT
    COMMENTS
    VIEW COMMENTS

    Critique mode ON

    Tap on any word to submit a critique about that line. Word-meanings will not be available while you’re in this mode.

    OKAY

    SUBMIT CRITIQUE

    NAME

    E-MAIL

    COMMENT

    Thanks, for your feedback

    Critique draft saved

    EDIT DISCARD

    CRITIQUE MODE ON

    TURN OFF

    Discard saved critique?

    CANCEL DISCARD

    CRITIQUE MODE ON - Click on a line of text to critique

    TURN OFF

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    rekhta_logo

    Favroite added successfully

    Favroite removed successfully