yun hi hairan-o-KHafa jon ghuncha-e-taswir hon

yuuñ hī hairān-o-ḳhafā joñ ġhuncha-e-tasvīr hoñ

umr guzrī par na jaanā maiñ ki kyuuñ dil-gīr hoñ

itnī bāteñ mat banā mujh shefte se nāsehā

pand ke laa.eq nahīñ maiñ qābil-e-zanjīr hoñ

surḳh rahtī haiñ mirī āñkheñ lahū rone se shaiḳh

mai agar sābit ho mujh par vājib al-ta.azīr huuñ

ne falak par raah mujh ko ne zamīñ par rau mujhe

aise kis mahrūm kā meñ shor-e-be-tāsīr huuñ

joñ kamāñ garche ḳhamīda huuñ pe chhūTā aur vahīñ

us ke kūche kī taraf chalne ko yaaro tiir huuñ

jo mire hisse meñ aave teġh-e-jamdhar sail-o-kard

ye fuzūlī hai ki maiñ hī kushta-e-shamshīr huuñ

khol kar dīvān merā dekh qudrat mudda.ī

garche huuñ maiñ naujavāñ par shā.iroñ kā piir huuñ

yuuñ sa.ādat ek jamdhar mujh ko bhī guzāriye

munsifī kiije to maiñ to mahz be-taqsīr huuñ

is qadar be-nañg ḳhabtoñ ko nasīhat shaiḳh-jī

baaz aao varna apne naam ko maiñ 'mīr' huuñ

yun hi hairan-o-KHafa jon ghuncha-e-taswir hon

umr guzri par na jaana main ki kyun dil-gir hon

itni baaten mat bana mujh shefte se naseha

pand ke laeq nahin main qabil-e-zanjir hon

surKH rahti hain meri aankhen lahu rone se shaiKH

mai agar sabit ho mujh par wajib al-tazir hun

ne falak par rah mujh ko ne zamin par rau mujhe

aise kis mahrum ka mein shor-e-be-tasir hun

jon kaman garche KHamida hun pe chhuTa aur wahin

us ke kuche ki taraf chalne ko yaro tir hun

jo mere hisse mein aawe tegh-e-jamdhar sail-o-kard

ye fuzuli hai ki main hi kushta-e-shamshir hun

khol kar diwan mera dekh qudrat muddai

garche hun main naujawan par shairon ka pir hun

yun saadat ek jamdhar mujh ko bhi guzariye

munsifi kije to main to mahz be-taqsir hun

is qadar be-nang KHabton ko nasihat shaiKH-ji

baz aao warna apne nam ko main 'mir' hun