falak ne gar kiya ruKHsat mujhe sair-e-bayaban ko

falak ne gar kiyā ruḳhsat mujhe sair-e-bayābāñ ko

nikālā sar se mere jaa.e mū ḳhār-e-muġhīlāñ ko

vo zālim bhī to samjhe kah rakhā hai ham ne yārāñ ko

ki goristān se gāḌeñ judā ham ahl-e-hijrāñ ko

nahīñ ye bed-e-majnūñ gardish-e-gardūn-e-gardāñ ne

banāyā hai shajar kyā jāniye kis mū pareshāñ ko

hue the jaise mar jaate par ab to saḳht hasrat hai

kiyā dushvār nādānī se ham ne kār-e-āsāñ ko

kahīñ nasl aadmī kī uTh na jaave is zamāne meñ

ki motī āb-e-haivāñ jānte haiñ āb-e-insāñ ko

tujhe gir chashm-e-ibrat hai to āñdhī aur bagūle se

tamāshā kar ġhubār-afshānī ḳhāk-e-azīzāñ ko

libās-e-mard-e-maidāñ jauhar-e-zātī kifāyat hai

nahīñ piro.e poshish ma.arke meñ teġh-e-uryāñ ko

havā-e-abr meñ garmī nahīñ jo tū na ho saaqī

dam afsurda kar de munjamid rashhāt-e-bārāñ ko

jaleñ haiñ kab kī mizhgāñ āñsuoñ kī garm-joshī se

us āb-e-chashm kī joshish ne ātish dī nīstāñ ko

vo kāfir ishq kā hai dil ki merī bhī rag-e-jāñ tak

sadā zunnār hī tasbīh hai us nā-musalmāñ ko

ġhurūr-e-nāz se āñkheñ na kholīñ is jafā-jū ne

milā paañv tale jab tak na chashm-e-sad-ġhazālāñ ko

na sī chashm-e-tama ḳhvān-e-falak par ḳhām-dastī se

ki jām-e-ḳhūn de hai har sahar ye apne mehmāñ ko

zi-bas sirf junūñ mere huā aahan ajab mat kar

na ho gar halqa-e-dar ḳhāna-e-zanjīr-sāzāñ ko

bane nā-vāqif-e-shādī agar ham bazm-e-ishrat meñ

dahān-e-zaḳhm-e-dil samjhe jo dekhā rū-e-ḳhandāñ ko

nahīñ reg-e-ravāñ majnūñ ke dil kī be-qarārī ne

kiyā hai muztarib har zarra-e-gard-e-bayābāñ ko

kisī ke vāste rusvā-e-ālam ho pe jī meñ rakh

ki maarā jaa.e jo zāhir kare us rāz-e-pinhāñ ko

girī paḌtī hai bijlī hī tabhī se ḳhirman gul par

Tak ik hans mere rone par ki dekhe tere dandāñ ko

ġhurūr-e-nāz-e-qātil ko liye jā hai koī pūchhe

chalā to sauñp kar kis ke ta.iiñ us said-e-be-jāñ ko

vo tuḳhm-e-soḳhta the ham ki sar-sabzī na kī hāsil

milāyā ḳhaak meñ daana namat hasrat se dahqāñ ko

huā huuñ ġhuncha-e-pazhmurda āḳhir fasl kā tujh bin

na de barbād hasrat kusta-e-sar-dar-garebāñ ko

ġham-o-andoh-o-be-tābī alam be-tāqatī hirmāñ

kahūñ ai ham-nashīñ tā-chand ġham-hā-e-firāvāñ ko

gul-o-sarv-o-saman gir jā.eñge mat sair-e-gulshan kar

milā mat ḳhaak meñ un baaġh ke rā.anā javānāñ ko

bahut ro.e jo ham ye āstīñ rakh muñh pe ai bijlī

na chashm-e-kam se dekh us yādgār-e-chashm-e-giryāñ ko

mizāj us vaqt hai ik matla-e-tāza pe kuchh maa.il

ki be-fikr suḳhan bantī nahīñ hargiz suḳhan-dāñ ko

falak ne gar kiya ruKHsat mujhe sair-e-bayaban ko

nikala sar se mere jae mu KHar-e-mughilan ko

wo zalim bhi to samjhe kah rakha hai hum ne yaran ko

ki goristan se gaDen juda hum ahl-e-hijran ko

nahin ye bed-e-majnun gardish-e-gardun-e-gardan ne

banaya hai shajar kya jaaniye kis mu pareshan ko

hue the jaise mar jate par ab to saKHt hasrat hai

kiya dushwar nadani se hum ne kar-e-asan ko

kahin nasl aadmi ki uTh na jawe is zamane mein

ki moti aab-e-haiwan jaante hain aab-e-insan ko

tujhe gir chashm-e-ibrat hai to aandhi aur bagule se

tamasha kar ghubar-afshani KHak-e-azizan ko

libas-e-mard-e-maidan jauhar-e-zati kifayat hai

nahin piroe poshish marke mein tegh-e-uryan ko

hawa-e-abr mein garmi nahin jo tu na ho saqi

dam afsurda kar de munjamid rashhat-e-baran ko

jalen hain kab ki mizhgan aansuon ki garm-joshi se

us aab-e-chashm ki joshish ne aatish di nistan ko

wo kafir ishq ka hai dil ki meri bhi rag-e-jaan tak

sada zunnar hi tasbih hai us na-musalman ko

ghurur-e-naz se aankhen na kholin is jafa-ju ne

mila panw tale jab tak na chashm-e-sad-ghazalan ko

na si chashm-e-tama KHwan-e-falak par KHam-dasti se

ki jam-e-KHun de hai har sahar ye apne mehman ko

zi-bas sirf junun mere hua aahan ajab mat kar

na ho gar halqa-e-dar KHana-e-zanjir-sazan ko

bane na-waqif-e-shadi agar hum bazm-e-ishrat mein

dahan-e-zaKHm-e-dil samjhe jo dekha ru-e-KHandan ko

nahin reg-e-rawan majnun ke dil ki be-qarari ne

kiya hai muztarib har zarra-e-gard-e-bayaban ko

kisi ke waste ruswa-e-alam ho pe ji mein rakh

ki mara jae jo zahir kare us raaz-e-pinhan ko

giri paDti hai bijli hi tabhi se KHirman gul par

Tak ek hans mere rone par ki dekhe tere dandan ko

ghurur-e-naz-e-qatil ko liye ja hai koi puchhe

chala to saunp kar kis ke tain us said-e-be-jaan ko

wo tuKHm-e-soKHta the hum ki sar-sabzi na ki hasil

milaya KHak mein dana namat hasrat se dahqan ko

hua hun ghuncha-e-pazhmurda aaKHir fasl ka tujh bin

na de barbaad hasrat kusta-e-sar-dar-gareban ko

gham-o-andoh-o-be-tabi alam be-taqati hirman

kahun ai ham-nashin ta-chand gham-ha-e-firawan ko

gul-o-sarw-o-saman gir jaenge mat sair-e-gulshan kar

mila mat KHak mein un bagh ke raana jawanan ko

bahut roe jo hum ye aastin rakh munh pe ai bijli

na chashm-e-kam se dekh us yaadgar-e-chashm-e-giryan ko

mizaj us waqt hai ek matla-e-taza pe kuchh mail

ki be-fikr suKHan banti nahin hargiz suKHan-dan ko