KHarabi kuchh na puchho mulkat-e-dil ki imarat ki

ḳharābī kuchh na pūchho mulkat-e-dil kī imārat kī

ġhamoñ ne āj-kal suniyo vo ābādī hī ġhārat kī

nigāh-e-mast se jab chashm ne is kī ishārat kī

halāvat mai kī aur buniyād maiḳhāne kī ġhārat kī

sahar-gah maiñ ne pūchhā gul se hāl-e-zār bulbul kā

paḌe the baaġh meñ yak-musht par ūdhar ishārat kī

jalāyā jis tajallī-e-jalva-gar ne tuur ko ham-dam

usī ātish ke par kaale ne ham se bhī sharārat kī

nazākat kyā kahūñ ḳhurshīd-rū kī kal shab-e-mah meñ

gayā thā saa.e saa.e baaġh tak tis par harārat kī

nazar se jis kī yūsuf sā gayā phir us ko kyā sūjhe

haqīqat kuchh na pūchho pīr-e-kan.āñ kī basārat kī

tire kūche ke shauq-e-tauf meñ jaise bagūlā thā

bayābāñ maiñ ġhubār 'mīr' kī ham ne ziyārat kī

KHarabi kuchh na puchho mulkat-e-dil ki imarat ki

ghamon ne aaj-kal suniyo wo aabaadi hi ghaarat ki

nigah-e-mast se jab chashm ne is ki ishaarat ki

halawat mai ki aur buniyaad maiKHane ki ghaarat ki

sahar-gah main ne puchha gul se haal-e-zar bulbul ka

paDe the bagh mein yak-musht par udhar ishaarat ki

jalaya jis tajalli-e-jalwa-gar ne tur ko ham-dam

usi aatish ke par kale ne hum se bhi shararat ki

nazakat kya kahun KHurshid-ru ki kal shab-e-mah mein

gaya tha sae sae bagh tak tis par hararat ki

nazar se jis ki yusuf sa gaya phir us ko kya sujhe

haqiqat kuchh na puchho pir-e-kanan ki basarat ki

tere kuche ke shauq-e-tauf mein jaise bagula tha

bayaban main ghubar 'mir' ki hum ne ziyarat ki