kai din suluk-e-wida ka mere darpai-e-dil-e-zar tha

ka.ī din sulūk-e-vidā' kā mire darpai-e-dil-e-zār thā

kabhū dard thā kabhū daaġh thā kabhū zaḳhm thā kabhū vaar thā

dam-e-sub.h bazm-e-ḳhush jahāñ shab-e-ġham se kam na thī mehrbāñ

ki charāġh thā so tū duud thā jo patang thā so ġhubār thā

dil-e-ḳhasta-lohū jo ho gayā to bhalā huā ki kahāñ talak

kabhū soz-e-sīnā se daaġh thā kabhū dard-o-ġham se figār thā

dil-e-muztarib se guzar ga.ī shab-e-vasl apnī hī fikr meñ

na dimāġh thā na farāġh thā na shakeb thā na qarār thā

jo nigāh kī bhī palak uThā to hamāre dil se lahū bahā

ki vahīñ vo nāvak-e-be-ḳhatā kisū ke kaleje ke paar thā

ye tumhārī in dinoñ dostāñ mizha jis ke ġham meñ hai ḳhūñ-chakāñ

vahī āfat-e-dil-e-āshiqāñ kisū vaqt ham se bhī yaar thā

nahīñ tāza-dil kī shikastagī yahī dard thā yahī ḳhastagī

use jab se zauq-e-shikār thā use zaḳhm se sarokār thā

kabhū jā.egī jo udhar sabā to ye kahiyo us se ki bevafā

magar ek 'mīr' shikasta-pā tire bāġh-e-tāza meñ ḳhaar thā

kai din suluk-e-wida' ka mere darpai-e-dil-e-zar tha

kabhu dard tha kabhu dagh tha kabhu zaKHm tha kabhu war tha

dam-e-subh bazm-e-KHush jahan shab-e-gham se kam na thi mehrban

ki charagh tha so tu dud tha jo patang tha so ghubar tha

dil-e-KHasta-lohu jo ho gaya to bhala hua ki kahan talak

kabhu soz-e-sina se dagh tha kabhu dard-o-gham se figar tha

dil-e-muztarib se guzar gai shab-e-wasl apni hi fikr mein

na dimagh tha na faragh tha na shakeb tha na qarar tha

jo nigah ki bhi palak uTha to hamare dil se lahu baha

ki wahin wo nawak-e-be-KHata kisu ke kaleje ke par tha

ye tumhaari in dinon dostan mizha jis ke gham mein hai KHun-chakan

wahi aafat-e-dil-e-ashiqan kisu waqt hum se bhi yar tha

nahin taza-dil ki shikastagi yahi dard tha yahi KHastagi

use jab se zauq-e-shikar tha use zaKHm se sarokar tha

kabhu jaegi jo udhar saba to ye kahiyo us se ki bewafa

magar ek 'mir' shikasta-pa tere bagh-e-taza mein KHar tha