mat ho maghrur ai ki tujh mein zor hai
mat ho maġhrūr ai ki tujh meñ zor hai
yaañ sulaimāñ ke muqābil mor hai
mar ga.e par bhī hai saulat faqr kī
chashm-e-shīr apnā charāġh-e-gor hai
jab se kāġhaz-bād kā hai shauq use
ek aalam us ke uupar Dor hai
rahnumā.ī shaiḳh se mat chashm rakh
vaa.e vo jis kā asā kash-kor hai
le hī jaatī hai zar-e-gul ko uḌā
sub.h kī bhī bāv-bādī chor hai
dil khiñche jaate haiñ saare us taraf
kyūñke kahiye haq hamārī or hai
thā balā hañgāma-ārā 'mīr' bhī
ab talak galiyoñ meñ us kā shor hai
mat ho maghrur ai ki tujh mein zor hai
yan sulaiman ke muqabil mor hai
mar gae par bhi hai saulat faqr ki
chashm-e-shir apna charagh-e-gor hai
jab se kaghaz-baad ka hai shauq use
ek aalam us ke upar Dor hai
rahnumai shaiKH se mat chashm rakh
wae wo jis ka asa kash-kor hai
le hi jati hai zar-e-gul ko uDa
subh ki bhi baw-baadi chor hai
dil khinche jate hain sare us taraf
kyunke kahiye haq hamari or hai
tha bala hangama-ara 'mir' bhi
ab talak galiyon mein us ka shor hai
- Book : MIRIYAAT - Diwan No- 1, Ghazal No- 0496
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
