humne jaana tha suKHan honge zaban par kitne

ham ne jaanā thā suḳhan hoñge zabāñ par kitne

par qalam haath jo aa.ī likhe daftar kitne

maiñ ne is us sannā' se sar khīñchā hai

ki har ik kūche meñ jis ke the hunar-var kitne

kishvar-e-ishq ko ābād na dekhā ham ne

har galī-kūche meñ uujaḌ paḌe the ghar kitne

aah niklī hai ye kis kī havas sair-e-bahār

aate haiñ baaġh meñ āvāra hue par kitne

dekhiyo panja-e-mizhgāñ kī Tak ātish-dastī

har sahar ḳhaak meñ milte haiñ dar-e-tar kitne

kab talak ye dil-e-sad-pāra nazar meñ rakhiye

us par āñkheñ hī siye rahte haiñ dilbar kitne

'umr guzrī ki nahīñ do aadam se koī

jis taraf dekhiye 'arse meñ haiñ ab ḳhar kitne

tū hai bechāra gadā 'mīr' tirā kyā mazkūr

mil ga.e ḳhaak meñ yaañ sāhab afsar kitne

hum ne jaana tha suKHan honge zaban par kitne

par qalam hath jo aai likhe daftar kitne

main ne is us sanna' se sar khincha hai

ki har ek kuche mein jis ke the hunar-war kitne

kishwar-e-ishq ko aabaad na dekha hum ne

har gali-kuche mein ujaD paDe the ghar kitne

aah nikli hai ye kis ki hawas sair-e-bahaar

aate hain bagh mein aawara hue par kitne

dekhiyo panja-e-mizhgan ki Tak aatish-dasti

har sahar KHak mein milte hain dar-e-tar kitne

kab talak ye dil-e-sad-para nazar mein rakhiye

us par aankhen hi siye rahte hain dilbar kitne

'umr guzri ki nahin do aadam se koi

jis taraf dekhiye 'arse mein hain ab KHar kitne

tu hai bechaara gada 'mir' tera kya mazkur

mil gae KHak mein yan sahab afsar kitne