hanste ho rote dekh kar gham se

hañste ho rote dekh kar ġham se

chheḌ rakhī hai tum ne kyā ham se

muñd ga.ī aañkh hai añdherā paak

raushnī hai so yaañ mire dam se

tum jo dil-ḳhvāh ḳhalq ho ham ko

dushmanī hai tamām aalam se

darhamī aa ga.ī mizājoñ meñ

āḳhir un gesuvān-e-dirham se

sab ne jaanā kahīñ ye āshiq hai

bah ga.e ashk dīda-e-nam se

muft yuuñ haath se na kho ham ko

kahīñ paidā bhī hote haiñ ham se

aksar ālāt-e-jaur us se hue

āfateñ aa.iiñ us ke muqaddam se

dekh ve palkeñ barchhiyāñ chaliyāñ

teġh niklī us abrū-e-ḳham se

koī begāna gar nahīñ maujūd

muñh chhupānā ye kyā hai phir ham se

vaj.h parde kī pochhiye baare

maliye us ke kaso jo mahram se

darpai ḳhuun 'mīr' hī na raho

ho bhī jaatā hai jurm aadam se

hanste ho rote dekh kar gham se

chheD rakhi hai tum ne kya hum se

mund gai aankh hai andhera pak

raushni hai so yan mere dam se

tum jo dil-KHwah KHalq ho hum ko

dushmani hai tamam aalam se

darhami aa gai mizajon mein

aaKHir un gesuwan-e-dirham se

sab ne jaana kahin ye aashiq hai

bah gae ashk dida-e-nam se

muft yun hath se na kho hum ko

kahin paida bhi hote hain hum se

aksar aalat-e-jaur us se hue

aafaten aain us ke muqaddam se

dekh we palken barchhiyan chaliyan

tegh nikli us abru-e-KHam se

koi begana gar nahin maujud

munh chhupana ye kya hai phir hum se

wajh parde ki pochhiye bare

maliye us ke kaso jo mahram se

darpai KHun 'mir' hi na raho

ho bhi jata hai jurm aadam se