jaan-gudaz itni kahan aawaz-e-ud-o-chang hai

jāñ-gudāz itnī kahāñ āvāz-e-ūd-o-chañg hai

dil ke se nāloñ kā un pardoñ meñ kuchh āhañg hai

rū-o-ḳhāl-o-zulf hī haiñ sumbul-o-sabza-o-gul

āñkheñ huuñ to ye chaman ā.īna-e-nairañg hai

be-sutūñ khode se kiyā āḳhir hue sab kār-e-ishq

ba.ad-azāñ ai kohkan sar hai tirā aur sañg hai

aah un ḳhush-qāmatoñ ko kyūñke bar meñ lā.iye

jin ke hāthoñ se qayāmat par bhī arsa-e-tañg hai

ishq meñ vo ghar hai apnā jis meñ se majnūñ ye ek

nā-ḳhalaf saare qabīle kā hamāre nañg hai

chashm-e-kam se dekh mat qumrī to us ḳhush-qad ko Tak

aah bhī sard gulistāñ shikast-e-rañg hai

ham se to jaayā nahīñ jaatā ki yaksar dil meñ vaañ

do-qadam us kī galī kī raah sau farsañg hai

ek bose par to kī hai sulh par ai zuud rañj

tujh ko mujh ko itnī itnī baat uupar jañg hai

paañv meñ choT aane ke pyāre bahāne jaane de

pesh-raft aage hamāre kab ye uzr lañg hai

fikr ko nāzuk ḳhayāloñ ke kahāñ pahuñche haiñ yaar

varna har misra.a yahāñ ma.ashūq shoḳh-o-shañg hai

sarsarī kuchh sun liyā phir vāh-vā kar uTh ga.e

sher ye kam-fahm samjhe haiñ ḳhayāl bañg hai

sabr bhī kariye balā par 'mīr'-sāhib jī kabhū

jab na tab ronā hī kuḌhnā ye bhī koī Dhañg hai

jaan-gudaz itni kahan aawaz-e-ud-o-chang hai

dil ke se nalon ka un pardon mein kuchh aahang hai

ru-o-KHal-o-zulf hi hain sumbul-o-sabza-o-gul

aankhen hun to ye chaman aaina-e-nairang hai

be-sutun khode se kiya aaKHir hue sab kar-e-ishq

baad-azan ai kohkan sar hai tera aur sang hai

aah un KHush-qamaton ko kyunke bar mein laiye

jin ke hathon se qayamat par bhi arsa-e-tang hai

ishq mein wo ghar hai apna jis mein se majnun ye ek

na-KHalaf sare qabile ka hamare nang hai

chashm-e-kam se dekh mat qumri to us KHush-qad ko Tak

aah bhi sard gulistan shikast-e-rang hai

hum se to jaya nahin jata ki yaksar dil mein wan

do-qadam us ki gali ki rah sau farsang hai

ek bose par to ki hai sulh par ai zud ranj

tujh ko mujh ko itni itni baat upar jang hai

panw mein choT aane ke pyare bahane jaane de

pesh-raft aage hamare kab ye uzr lang hai

fikr ko nazuk KHayalon ke kahan pahunche hain yar

warna har misra yahan mashuq shoKH-o-shang hai

sarsari kuchh sun liya phir wah-wa kar uTh gae

sher ye kam-fahm samjhe hain KHayal bang hai

sabr bhi kariye bala par 'mir'-sahib ji kabhu

jab na tab rona hi kuDhna ye bhi koi Dhang hai