samjhe the mir hum ki ye nasur kam hua

samjhe the 'mīr' ham ki ye nāsūr kam huā

phir un dinoñ maiñ dīda-e-ḳhūñ-bār nam huā

aa.e ba-rañg-e-abr araq-nāk tum udhar

hairān huuñ ki aaj kidhar ko karam huā

tujh bin sharāb pī ke muue sab tire ḳharāb

saaqī baġhair tere unheñ jām-e-sam huā

kāfir hamāre dil kī na pūchh apne 'ishq meñ

bait-ul-harām thā so vo bait-us-sanam huā

ḳhāna-ḳharāb kis kā kiyā terī chashm ne

thā kaun yuuñ jise tū nasīb ek dam huā

talvār kis ke ḳhuun meñ sar Duub hai tirī

ye kis ajal-rsīda ke ghar par sitam huā

aa.ī nazar jo gor sulaimāñ kī ek roz

kūche par us mazār ke thā ye raqam huā

kā-e-sar-kashāñ jahān meñ khīñchā thā meñ bhī sar

pāyān-e-kār mor kī ḳhāk-e-qadam huā

afsos kī bhī chashm thī un se ḳhilāf-e-aql

bār-e-ilāqa se to 'abas pusht-e-ḳham huā

ahl-e-jahāñ haiñ saare tire jīte-jī talak

pūchheñge bhī na baat jahāñ to 'adam huā

kyā kyā 'azīz dost mile 'mīr' ḳhaak meñ

nādān yaañ kaso kā kaso ko bhī ġham huā

samjhe the 'mir' hum ki ye nasur kam hua

phir un dinon main dida-e-KHun-bar nam hua

aae ba-rang-e-abr araq-nak tum udhar

hairan hun ki aaj kidhar ko karam hua

tujh bin sharab pi ke mue sab tere KHarab

saqi baghair tere unhen jam-e-sam hua

kafir hamare dil ki na puchh apne 'ishq mein

bait-ul-haram tha so wo bait-us-sanam hua

KHana-KHarab kis ka kiya teri chashm ne

tha kaun yun jise tu nasib ek dam hua

talwar kis ke KHun mein sar Dub hai teri

ye kis ajal-rsida ke ghar par sitam hua

aai nazar jo gor sulaiman ki ek roz

kuche par us mazar ke tha ye raqam hua

ka-e-sar-kashan jahan mein khincha tha mein bhi sar

payan-e-kar mor ki KHak-e-qadam hua

afsos ki bhi chashm thi un se KHilaf-e-aql

bar-e-ilaqa se to 'abas pusht-e-KHam hua

ahl-e-jahan hain sare tere jite-ji talak

puchhenge bhi na baat jahan to 'adam hua

kya kya 'aziz dost mile 'mir' KHak mein

nadan yan kaso ka kaso ko bhi gham hua