dil-o-dimagh hai ab kis ko zindagani ka

dil-o-dimāġh hai ab kis ko zindagānī kā

jo koī dam hai to afsos hai javānī kā

agarche umr ke das din ye lab rahe ḳhāmosh

suḳhan rahegā sadā merī kam-zabānī kā

subuk hai aave jo mindīl rakh namāz ko shaiḳh

rahā hai kaun sā ab vaqt sargirānī kā

hazār jaan se qurbān be-parī ke haiñ

ḳhayāl bhī kabhū guzrā na par-fishānī kā

phire hai khīñche hī talvār mujh pe har-dam to

ki said huuñ maiñ tirī dushmanī jaanī kā

numūd kar ke vahīñ bahr-e-ġham meñ baiTh gayā

kahe to 'mīr' bhī ik bulbulā thā paanī kā

dil-o-dimagh hai ab kis ko zindagani ka

jo koi dam hai to afsos hai jawani ka

agarche umr ke das din ye lab rahe KHamosh

suKHan rahega sada meri kam-zabani ka

subuk hai aawe jo mindil rakh namaz ko shaiKH

raha hai kaun sa ab waqt sargirani ka

hazar jaan se qurban be-pari ke hain

KHayal bhi kabhu guzra na par-fishani ka

phire hai khinche hi talwar mujh pe har-dam to

ki said hun main teri dushmani jaani ka

numud kar ke wahin bahr-e-gham mein baiTh gaya

kahe to 'mir' bhi ek bulbula tha pani ka