be-kasana ji giraftari se shewan mein raha

be-kasāna jī giraftārī se shevan meñ rahā

ik dil-e-ġham-ḳhvār rakhte the so gulshan meñ rahā

panja-e-gul kī tarah dīvāngī meñ haath ko

gar nikālā meñ garebāñ se to dāman meñ rahā

sham' saañ jalte rahe lekin na toḌā yaar se

rishta-e-ulfat tamāmī 'umr gardan meñ rahā

Dar se us shamshīr-zan ke jauhar ā.īna saañ

sar se le kar paañv tak maiñ ġharq aahan meñ rahā

ham na kahte the ki mat dair-o-haram kī raah chal

ab ye dā'vā hashr tak shaiḳh-o-barahman meñ rahā

darpai-e-dil hī rahe us chehre ke ḳhāl-e-siyāh

Dar hameñ un choñtoñ kā roz-e-raushan meñ rahā

aah kis andāz se guzrā bayābāñ se ki 'mīr'

jī har ik naḳhchīr kā us said-e-afgan meñ rahā

be-kasana ji giraftari se shewan mein raha

ek dil-e-gham-KHwar rakhte the so gulshan mein raha

panja-e-gul ki tarah diwangi mein hath ko

gar nikala mein gareban se to daman mein raha

sham' san jalte rahe lekin na toDa yar se

rishta-e-ulfat tamami 'umr gardan mein raha

Dar se us shamshir-zan ke jauhar aaina san

sar se le kar panw tak main gharq aahan mein raha

hum na kahte the ki mat dair-o-haram ki rah chal

ab ye da'wa hashr tak shaiKH-o-barahman mein raha

darpai-e-dil hi rahe us chehre ke KHal-e-siyah

Dar hamein un chonton ka roz-e-raushan mein raha

aah kis andaz se guzra bayaban se ki 'mir'

ji har ek naKHchir ka us said-e-afgan mein raha