pal mein jahan ko dekhte mere Dubo chuka

pal meñ jahāñ ko dekhte mere Dubo chukā

ik vaqt meñ ye diida bhī tūfān ro chukā

afsos mere murde par itnā na kar ki ab

pachhtānā yuuñ hī sā hai jo honā thā ho chukā

lagtī nahīñ palak se palak intizār meñ

āñkheñ agar yahī haiñ to bhar niiñd so chukā

yak chashmak-e-pyāla hai saaqī bahār-e-umr

jhapkī lagī ki duur ye āḳhir hī ho chukā

mumkin nahīñ ki gul kare vaisī shaguftagī

us sarzamīñ meñ tuḳhm-e-mohabbat maiñ bo chukā

paayā na dil bahāyā huā sail-e-ashk kā

maiñ panja-e-mizha se samundar bilo chukā

har sub.h hādse se ye kahtā hai āsmāñ

de jām-e-ḳhūn 'mīr' ko gar muñh vo dho chukā

pal mein jahan ko dekhte mere Dubo chuka

ek waqt mein ye dida bhi tufan ro chuka

afsos mere murde par itna na kar ki ab

pachhtana yun hi sa hai jo hona tha ho chuka

lagti nahin palak se palak intizar mein

aankhen agar yahi hain to bhar nind so chuka

yak chashmak-e-pyala hai saqi bahaar-e-umr

jhapki lagi ki dur ye aaKHir hi ho chuka

mumkin nahin ki gul kare waisi shaguftagi

us sarzamin mein tuKHm-e-mohabbat main bo chuka

paya na dil bahaya hua sail-e-ashk ka

main panja-e-mizha se samundar bilo chuka

har subh hadse se ye kahta hai aasman

de jam-e-KHun 'mir' ko gar munh wo dho chuka