raat pyasa tha mere lohu ka

raat pyāsā thā mere lohū kā

huuñ divāna tire sag ko kā

shola-e-āh jūñ-tūñ ab mujh ko

fikr hai apne har bin mū kā

hai mire yaar kī misoñ kā rashk

kushta huuñ sabza-e-lab-e-jū kā

bosa denā mujhe na kar mauqūf

hai vazīfa yahī duā-go kā

maiñ ne talvār se hiran maare

ishq kar terī chashm-o-abrū kā

shor qulqul ke hotī thī maane

rīsh-e-qāzī pe raat maiñ thūkā

itr-āgīñ hai bād-e-sub.h magar

khul gayā pech-e-zulf ḳhushbū kā

ek do huuñ to sahar-e-chashm kahūñ

kārḳhāna hai vaañ to jaadū kā

'mīr' har-chand maiñ ne chāhā lek

na chhupā ishq-e-tifl bad-ḳhū kā

naam us kā liyā idhar-ūdhar

uḌ gayā rañg hī mire rū kā

raat pyasa tha mere lohu ka

hun diwana tere sag ko ka

shola-e-ah jun-tun ab mujh ko

fikr hai apne har bin mu ka

hai mere yar ki mison ka rashk

kushta hun sabza-e-lab-e-ju ka

bosa dena mujhe na kar mauquf

hai wazifa yahi dua-go ka

main ne talwar se hiran mare

ishq kar teri chashm-o-abru ka

shor qulqul ke hoti thi mane

rish-e-qazi pe raat main thuka

itr-agin hai baad-e-subh magar

khul gaya pech-e-zulf KHushbu ka

ek do hun to sahar-e-chashm kahun

karKHana hai wan to jadu ka

'mir' har-chand main ne chaha lek

na chhupa ishq-e-tifl bad-KHu ka

nam us ka liya idhar-udhar

uD gaya rang hi mere ru ka