ai gul-e-nau-damida ke manind

ai gul-e-nau-damīda ke mānind

hai tū kis āfrīda ke mānind

ham umīd-e-vafā pe terī hue

ġhuncha-e-dair chīda ke mānind

ḳhaak ko merī sair kar ke phirā

vo ġhazāl-e-ramīda ke mānind

sar uThāte hī ho ga.e pāmāl

sabza-e-nau-damīda ke mānind

na kaTe raat hijr kī jo na ho

naala teġh-e-kashīda ke mānind

ham giraftār-e-hāl haiñ apne

tā.ir-e-par-burīda ke mānind

dil taḌaptā hai ashk-e-ḳhūnīñ meñ

said-e-dar-ḳhūñ tapīda ke mānind

tujh se yūsuf ko kyūñke nisbat deñ

kab shunīda ho diida ke mānind

'mīr'-sāhib bhī us ke haañ the lek

banda-e-zar ḳharīda ke mānind

ai gul-e-nau-damida ke manind

hai tu kis aafrida ke manind

hum umid-e-wafa pe teri hue

ghuncha-e-dair chida ke manind

KHak ko meri sair kar ke phira

wo ghazal-e-ramida ke manind

sar uThate hi ho gae pamal

sabza-e-nau-damida ke manind

na kaTe raat hijr ki jo na ho

nala tegh-e-kashida ke manind

hum giraftar-e-haal hain apne

tair-e-par-burida ke manind

dil taDapta hai ashk-e-KHunin mein

said-e-dar-KHun tapida ke manind

tujh se yusuf ko kyunke nisbat den

kab shunida ho dida ke manind

'mir'-sahib bhi us ke han the lek

banda-e-zar KHarida ke manind