مرا آغوش نظر یاد آیا
مرا آغوش نظر یاد آیا
جلوۂ دوست کو گھر یاد آیا
آنکھ ہنگامۂ محشر میں کھلی
فتنۂ راہ گزر یاد آیا
غیرت عشق بھی ہاتھوں سے گئی
دل اگر بار دگر یاد آیا
اب ملاتے نہیں دنیا سے نظر
کوئی گستاخ نظر یاد آیا
آپ کے در پہ ملا سر اپنا
سجدہ یاد آیا تو سر یاد آیا
ہوش ہستی پہ ہوا جوش کرم
دل ادھر درد ادھر یاد آیا
آج بیٹھے ہیں وہ شمشیر بکف
کس گنہ گار کا سر یاد آیا
نجمؔ یہ فکر ہے نذر غالبؔ
غالبؔ خستہ جگر یاد آیا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
