mera banna-sanwarna apni ja hai

mirā banñā-sañvarnā apnī jā hai

tirā dukh to vagarna apnī jā hai

bahut bardāsht hai dīvār-o-dar kī

kahāñ us ghar meñ varna apnī jā hai

maiñ misl-e-sañg-e-kohsār-e-garāñ huuñ

mire andar kā jharnā apnī jā hai

bajā hai chādar-e-shab kī damak bhī

sitāroñ kā bikharnā apnī jā hai

ye dariyā apnī rau meñ bah rahā hai

kisī kā jīnā-marnā apnī jā hai

guzargāh-e-zamāna bhī hai lekin

tirā dil se guzarnā apnī jā hai

hasīñ va.ade kiye the us ne 'jānāñ'

unheñ iifā na karnā apnī jā hai

mera banna-sanwarna apni ja hai

tera dukh to wagarna apni ja hai

bahut bardasht hai diwar-o-dar ki

kahan us ghar mein warna apni ja hai

main misl-e-sang-e-kohsar-e-garan hun

mere andar ka jharna apni ja hai

baja hai chadar-e-shab ki damak bhi

sitaron ka bikharna apni ja hai

ye dariya apni rau mein bah raha hai

kisi ka jina-marna apni ja hai

guzargah-e-zamana bhi hai lekin

tera dil se guzarna apni ja hai

hasin wade kiye the us ne 'jaanan'

unhen ifa na karna apni ja hai