mera dil dekho ab ya mere dushman ka jigar dekho

mirā dil dekho ab yā mere dushman kā jigar dekho

tumhāre bas meñ āñkheñ haiñ jidhar jaao udhar dekho

qayāmat meñ na mere muñh se phir fariyād niklegī

agar ye kah diyā us ne yahāñ aao idhar dekho

tumhāre naam par mar miTne vaalā kaun hai maiñ huuñ

agar socho agar samjho agar maano agar dekho

mire dil ko charā kar phir churāo aañkh kyā ma.anī

nigāh-e-qahr hī se tum mujhe dekho magar dekho

jo kahtā huuñ fanā ke ba.ad sab ko chain miltā hai

to vo kahte haiñ phir ab der kyā tum bhī mar dekho

raqīboñ ko tum āñkheñ to dikhāte ho sar-e-mahfil

kahīñ aisā na ho ban jaa.e merī jaan par dekho

kisī ko dekh kar ai 'nūh' kaisī kuchh banī dil par

ye kis kam-baḳht ne tum se kahā thā tum idhar dekho

mera dil dekho ab ya mere dushman ka jigar dekho

tumhaare bas mein aankhen hain jidhar jao udhar dekho

qayamat mein na mere munh se phir fariyaad niklegi

agar ye kah diya us ne yahan aao idhar dekho

tumhaare nam par mar miTne wala kaun hai main hun

agar socho agar samjho agar mano agar dekho

mere dil ko chara kar phir churao aankh kya mani

nigah-e-qahr hi se tum mujhe dekho magar dekho

jo kahta hun fana ke baad sab ko chain milta hai

to wo kahte hain phir ab der kya tum bhi mar dekho

raqibon ko tum aankhen to dikhate ho sar-e-mahfil

kahin aisa na ho ban jae meri jaan par dekho

kisi ko dekh kar ai 'nuh' kaisi kuchh bani dil par

ye kis kam-baKHt ne tum se kaha tha tum idhar dekho