mera dil hai mushtaq us gul-badan ka

mirā dil hai mushtāq us gul-badan kā

ki ye baaġh ik gul hai jis ke chaman kā

vahī zulf hai jis kī nik.hat se ab tak

paḌā ḳhuun sūkhe hai mushk-e-ḳhutan kā

vahī la.al-e-lab hai ki hasrat se jis ke

jigar aaj tak ḳhuuñ hai la.al-e-yaman kā

ajab sair dekhī 'nazīr' us chaman kī

abhī vasl thā nargis-o-tastaran kā

abhī yak-digar jam.a the sumbul-o-gul

abhī thā baham josh sarv-o-saman kā

abhī chahchahe bulbuloñ ke ayaañ the

abhī shor thā qumrī-e-na.ara-zan kā

ghaḌī bhar ke hī ba.ad dekhā ye aalam

ki nām-o-nishāñ bhī na vaañ thā chaman kā

mera dil hai mushtaq us gul-badan ka

ki ye bagh ek gul hai jis ke chaman ka

wahi zulf hai jis ki nikhat se ab tak

paDa KHun sukhe hai mushk-e-KHutan ka

wahi lal-e-lab hai ki hasrat se jis ke

jigar aaj tak KHun hai lal-e-yaman ka

ajab sair dekhi 'nazir' us chaman ki

abhi wasl tha nargis-o-tastaran ka

abhi yak-digar jama the sumbul-o-gul

abhi tha baham josh sarw-o-saman ka

abhi chahchahe bulbulon ke ayan the

abhi shor tha qumri-e-nara-zan ka

ghaDi bhar ke hi baad dekha ye aalam

ki nam-o-nishan bhi na wan tha chaman ka