mera dil na tha alam-ashna ki teri ada pe nazar paDi

mirā dil na thā alam-āshnā ki tirī adā pe nazar paḌī

vo na jaane kaun sā vaqt thā ki binā-e-ḳhūn-e-jigar paḌī

jise chāhe mālik-e-rañg-o-bū usī be-ruḳhī meñ navāz de

maiñ idhar thā muntazir-e-karam vo nigāh-e-nāz udhar paḌī

tirā kaam sair-e-mudām hai na ki gulsitānoñ meñ Thaharnā

ye kalī kalī ke fareb meñ tū kahāñ se bād-e-sahar paḌī

koī mauj-e-bahr se duur hai to jabīn-e-bahr pe kyā shikan

tirī rahmatoñ ko huā ye kyā mirī laġhzishoñ pe nazar paḌī

tujhe kyā ho qadr malāl kī tū hai nā-rasīda-e-zindagī

jo bahut phire haiñ galī galī tū jabīñ pe gard-e-safar paḌī

sar-e-rāh un ko ba-yak-nazar kabhī dekhiye to vahī adā

vahī be-niyāzī-e-mahvashāñ vahī zulf tā-ba-kamar paḌī

ba-nigāh-e-sāqī-e-mahr-o-mah kabhī ḳhālī jaam nahīñ rahā

maiñ zamīñ pe DhūñD rahā thā kuchh ki vo kahkashāñ se utar paḌī

jo hudūd-e-sub.h meñ ruk gayā use ittifāq-e-safar kaho

maiñ vahī musāfir-e-shām huuñ mire rāste meñ sahar paḌī

mera dil na tha alam-ashna ki teri ada pe nazar paDi

wo na jaane kaun sa waqt tha ki bina-e-KHun-e-jigar paDi

jise chahe malik-e-rang-o-bu usi be-ruKHi mein nawaz de

main idhar tha muntazir-e-karam wo nigah-e-naz udhar paDi

tera kaam sair-e-mudam hai na ki gulsitanon mein Thaharna

ye kali kali ke fareb mein tu kahan se baad-e-sahar paDi

koi mauj-e-bahr se dur hai to jabin-e-bahr pe kya shikan

teri rahmaton ko hua ye kya meri laghzishon pe nazar paDi

tujhe kya ho qadr malal ki tu hai na-rasida-e-zindagi

jo bahut phire hain gali gali tu jabin pe gard-e-safar paDi

sar-e-rah un ko ba-yak-nazar kabhi dekhiye to wahi ada

wahi be-niyazi-e-mahwashan wahi zulf ta-ba-kamar paDi

ba-nigah-e-saqi-e-mahr-o-mah kabhi KHali jam nahin raha

main zamin pe DhunD raha tha kuchh ki wo kahkashan se utar paDi

jo hudud-e-subh mein ruk gaya use ittifaq-e-safar kaho

main wahi musafir-e-sham hun mere raste mein sahar paDi