mera gham-gusar koi nahin kisi lab pe aai dua nahin

mirā ġham-gusār koī nahīñ kisī lab pe aa.ī du'ā nahīñ

mire chārāgar tire paas bhī mire dard-e-dil kī davā nahīñ

kabhī saath saath hai tū mire kabhī duur tak bhī piyā nahīñ

mire ham-safar tirī dostī kā ye raaz kyā hai khulā nahīñ

tirī aarzū mirī zindagī tirī justujū mirī bandagī

tirī yaad merī namāz hai koī kaam is ke sivā nahīñ

vahī be-ḳhudī vahī sarḳhushī vahī be-hoshī vahī gumrahī

mujhe aap apnī talāsh hai maiñ kahāñ huuñ mujh ko patā nahīñ

ye to apnā apnā ḳhulūs hai ye to apnā apnā sulūk hai

koī chāhne se girā nahīñ koī pūchhne se uThā nahīñ

tujhe māñgne se milegā kyā tirā sar jhukāne se hogā kyā

ye to pattharoñ kā jahān hai yahāñ koī terā ḳhudā nahīñ

maiñ ḳhizāñ-nasīb sadā rahā maiñ bharī bahār meñ luT gayā

mujhe raas aa.ī na zindagī mujhe mil ke kuchh bhī milā nahīñ

na to ab ḳhushī kī talāsh hai na sukūn kī mujhe aarzū

yahī zindagī kā hai faisla ki ḳhushī bhī ġham ke sivā nahīñ

vo nafas nafas meñ ḳhalish tirī vo tire ḳhulūs kī be-ruḳhī

tujhe har qadam yahī ḳhauf hai tirā ġham to mujh se judā nahīñ

vahī dil meñ hai vahī lab pe hai vahī āñsuoñ meñ ravāñ-davāñ

use kaise bhūlūñ 'sahar' batā jo mire nafas se judā nahīñ

mera gham-gusar koi nahin kisi lab pe aai du'a nahin

mere chaaragar tere pas bhi mere dard-e-dil ki dawa nahin

kabhi sath sath hai tu mere kabhi dur tak bhi piya nahin

mere ham-safar teri dosti ka ye raaz kya hai khula nahin

teri aarzu meri zindagi teri justuju meri bandagi

teri yaad meri namaz hai koi kaam is ke siwa nahin

wahi be-KHudi wahi sarKHushi wahi be-hoshi wahi gumrahi

mujhe aap apni talash hai main kahan hun mujh ko pata nahin

ye to apna apna KHulus hai ye to apna apna suluk hai

koi chahne se gira nahin koi puchhne se uTha nahin

tujhe mangne se milega kya tera sar jhukane se hoga kya

ye to pattharon ka jahan hai yahan koi tera KHuda nahin

main KHizan-nasib sada raha main bhari bahaar mein luT gaya

mujhe ras aai na zindagi mujhe mil ke kuchh bhi mila nahin

na to ab KHushi ki talash hai na sukun ki mujhe aarzu

yahi zindagi ka hai faisla ki KHushi bhi gham ke siwa nahin

wo nafas nafas mein KHalish teri wo tere KHulus ki be-ruKHi

tujhe har qadam yahi KHauf hai tera gham to mujh se juda nahin

wahi dil mein hai wahi lab pe hai wahi aansuon mein rawan-dawan

use kaise bhulun 'sahar' bata jo mere nafas se juda nahin