mera hi KHauf har ek moD par mile hai mujhe

mirā hī ḳhauf har ik moḌ par mile hai mujhe

navāh-e-jāñ koī aaseb sā lage hai mujhe

maiñ dāstāñ kī tarah har sadī ke zehn meñ huuñ

koī likhe hai mujhe aur koī paḌhe hai mujhe

jo mere qad ko añdheroñ meñ chhoḌ aayā thā

shuā-e-zar kī tarah saath le chale hai mujhe

maiñ kyā huuñ kaun huuñ pahchān meñ nahīñ aatā

jo jis ke jī meñ samā.e hai so kahe hai mujhe

maiñ tez-gām jo manzil kī samt baḌhtā huuñ

kisī kī ābla-pā.ī pukār le hai mujhe

jahāñ nahīñ hai vahāñ bhī haiñ us ke hangāme

har ik maqām se us kī ḳhabar mile hai mujhe

jo ek umr mire roz-o-shab kā sāthī thā

koī batāo ki vo shaḳhs kyā kahe hai mujhe

maiñ apnā lahn shuāoñ ko baañT aayā huuñ

ye ehtisāb abas be-navā kare hai mujhe

yahī libās to pahchān ban gayā hai mirī

ye merā ḳhirqa-e-pārīna hī saje hai mujhe

shajar phalā hai to sau haath baḌh rahe haiñ 'shakeb'

har ek shāḳh pe apnā hī sar lage hai mujhe

mera hi KHauf har ek moD par mile hai mujhe

nawah-e-jaan koi aaseb sa lage hai mujhe

main dastan ki tarah har sadi ke zehn mein hun

koi likhe hai mujhe aur koi paDhe hai mujhe

jo mere qad ko andheron mein chhoD aaya tha

shua-e-zar ki tarah sath le chale hai mujhe

main kya hun kaun hun pahchan mein nahin aata

jo jis ke ji mein samae hai so kahe hai mujhe

main tez-gam jo manzil ki samt baDhta hun

kisi ki aabla-pai pukar le hai mujhe

jahan nahin hai wahan bhi hain us ke hangame

har ek maqam se us ki KHabar mile hai mujhe

jo ek umr mere roz-o-shab ka sathi tha

koi batao ki wo shaKHs kya kahe hai mujhe

main apna lahn shuaon ko banT aaya hun

ye ehtisab abas be-nawa kare hai mujhe

yahi libas to pahchan ban gaya hai meri

ye mera KHirqa-e-parina hi saje hai mujhe

shajar phala hai to sau hath baDh rahe hain 'shakeb'

har ek shaKH pe apna hi sar lage hai mujhe