mera kaleja mere munh ko aa na jae kahin

mirā kaleja mire muñh ko aa na jaa.e kahīñ

tumhāre jaane kā ehsās khā na jaa.e kahīñ

vo dekhtā hai to bas dekhtā hī rahtā hai

vo nā-murād mire dil ko bhā na jaa.e kahīñ

kamāñ sañbhāl ke rakkhūñ maiñ apne hāthoñ meñ

mirā hī tiir mirī samt aa na jaa.e kahīñ

vo mil rahā hai kisī dūsre se hañs hañs kar

so us kā hañsnā bhī mujh ko rulā na jaa.e kahīñ

maiñ us se baat hī kartā nahīñ huuñ is ḳhātir

vo baat kar ke mirā sar ghumā na jaa.e kahīñ

mujhe ye Dar hai vo auzār-e-bevafā.ī se

mohabbatoñ kī 'imārat girā na jaa.e kahīñ

mera kaleja mere munh ko aa na jae kahin

tumhaare jaane ka ehsas kha na jae kahin

wo dekhta hai to bas dekhta hi rahta hai

wo na-murad mere dil ko bha na jae kahin

kaman sanbhaal ke rakkhun main apne hathon mein

mera hi tir meri samt aa na jae kahin

wo mil raha hai kisi dusre se hans hans kar

so us ka hansna bhi mujh ko rula na jae kahin

main us se baat hi karta nahin hun is KHatir

wo baat kar ke mera sar ghuma na jae kahin

mujhe ye Dar hai wo auzar-e-bewafai se

mohabbaton ki 'imarat gira na jae kahin