مرا کلیجہ مرے منہ کو آ نہ جائے کہیں
مرا کلیجہ مرے منہ کو آ نہ جائے کہیں
تمہارے جانے کا احساس کھا نہ جائے کہیں
وہ دیکھتا ہے تو بس دیکھتا ہی رہتا ہے
وہ نامراد مرے دل کو بھا نہ جائے کہیں
کماں سنبھال کے رکھوں میں اپنے ہاتھوں میں
مرا ہی تیر مری سمت آ نہ جائے کہیں
وہ مل رہا ہے کسی دوسرے سے ہنس ہنس کر
سو اس کا ہنسنا بھی مجھ کو رلا نہ جائے کہیں
میں اس سے بات ہی کرتا نہیں ہوں اس خاطر
وہ بات کر کے مرا سر گھما نہ جائے کہیں
مجھے یہ ڈر ہے وہ اوزار بے وفائی سے
محبتوں کی عمارت گرا نہ جائے کہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
