mera mushkil-kusha hai aur main hun

mirā mushkil-kushā hai aur maiñ huuñ

usī kā aasrā hai aur maiñ huuñ

mirā dast-e-duā hai aur maiñ huuñ

sadā-e-be-sadā hai aur maiñ huuñ

dil-e-ġham-āshnā hai aur maiñ huuñ

jafā-e-nā-ravā hai aur maiñ huuñ

sitam sahne kī aadat paḌ ga.ī hai

vafāoñ kā sila hai aur maiñ huuñ

maiñ kaise jhuuT bolūñ sochtā huuñ

muqābil aa.ina hai aur maiñ huuñ

jise tārīḳh kahtā hai zamāna

vo merā tazkira hai aur maiñ huuñ

vahīñ merī baqā kā rāsta hai

jahāñ merā ḳhudā hai aur maiñ huuñ

chale aao yahāñ koī nahīñ hai

mire dil kī sadā hai aur maiñ huuñ

tumheñ chhūne kī jin ko hai tamanna

vo ik pāgal havā hai aur meñ huuñ

'suhaib' aao ibādat kī ghaḌī hai

dar-e-mai-ḳhāna vā hai aur maiñ huuñ

mera mushkil-kusha hai aur main hun

usi ka aasra hai aur main hun

mera dast-e-dua hai aur main hun

sada-e-be-sada hai aur main hun

dil-e-gham-ashna hai aur main hun

jafa-e-na-rawa hai aur main hun

sitam sahne ki aadat paD gai hai

wafaon ka sila hai aur main hun

main kaise jhuT bolun sochta hun

muqabil aaina hai aur main hun

jise tariKH kahta hai zamana

wo mera tazkira hai aur main hun

wahin meri baqa ka rasta hai

jahan mera KHuda hai aur main hun

chale aao yahan koi nahin hai

mere dil ki sada hai aur main hun

tumhein chhune ki jin ko hai tamanna

wo ek pagal hawa hai aur mein hun

'suhaib' aao ibaadat ki ghaDi hai

dar-e-mai-KHana wa hai aur main hun