mera pyara hai na-farman hamesha aur pyaron mein
mera pyara hai na-farman hamesha aur pyaron mein
Obaidullah Khan Mubtala
MORE BYObaidullah Khan Mubtala
mirā pyārā hai nā-farmāñ hamesha aur pyāroñ meñ
nahīñ dekhā kasū ne lāla-rū aisā hazāroñ meñ
apas ushshāq kuuñ pahchānte haiñ ḳhuub ḳhush-chashmāñ
ajab mardum-shanāsī hai narā.in ke ishāroñ meñ
tirī zulfāñ ke pech-o-tāb kī tārīf kuuñ sun kar
gayā pātāl ko bāsuk ḳhajālat khīñch māroñ meñ
base haiñ shauq suuñ jā kar guloñ meñ raat kuuñ shāyad
ki aatī hai gul-andāmāñ ke baasī baas hāroñ meñ
Dare kyuuñ sher-dil-āshiq raqībāñ ke bidakne suuñ
koī bāvar nahīñ kartā shujā.at in chakāroñ meñ
darāzī jab diyā yaldāñ ko terī zulf lambī ne
burā.ī tab lagī karne ko har shab baiTh tāroñ meñ
apas kuuñ ḳhaak kar gulzār honā hai agar tujh kuuñ
nahīñ aayā nazar meñ sabza-ḳhār uupar bahāroñ meñ
bilā gardāñ hue gar dekh kar aahū achambhā na.iiñ
ki ho.e hai mahv nargis terī añkhiyāñ ke nazāroñ meñ
parī-rūyān-e-gulshan suuñ le aa.ī sīm-o-zar nargis
nazar-bāzāñ bajā ginte haiñ us kuuñ māldāroñ meñ
na kah sīmāb ke mānind mere dil kuuñ ai chanchal
tirā betāb hai mumtāz saare be-qarāroñ meñ
nikalnā māh-rū ke daam se dushvār hai yārāñ
rahā hai 'mubtalā' kā dil ulajh zulfāñ ke tāroñ meñ
mera pyara hai na-farman hamesha aur pyaron mein
nahin dekha kasu ne lala-ru aisa hazaron mein
apas ushshaq kun pahchante hain KHub KHush-chashman
ajab mardum-shanasi hai narain ke ishaaron mein
teri zulfan ke pech-o-tab ki tarif kun sun kar
gaya patal ko basuk KHajalat khinch maron mein
base hain shauq sun ja kar gulon mein raat kun shayad
ki aati hai gul-andaman ke basi bas haaron mein
Dare kyun sher-dil-ashiq raqiban ke bidakne sun
koi bawar nahin karta shujaat in chakaron mein
daraazi jab diya yaldan ko teri zulf lambi ne
burai tab lagi karne ko har shab baiTh taron mein
apas kun KHak kar gulzar hona hai agar tujh kun
nahin aaya nazar mein sabza-KHar upar bahaaron mein
bila gardan hue gar dekh kar aahu achambha nain
ki hoe hai mahw nargis teri ankhiyan ke nazaron mein
pari-ruyan-e-gulshan sun le aai sim-o-zar nargis
nazar-bazan baja ginte hain us kun maldaron mein
na kah simab ke manind mere dil kun ai chanchal
tera betab hai mumtaz sare be-qararon mein
nikalna mah-ru ke dam se dushwar hai yaran
raha hai 'mubtala' ka dil ulajh zulfan ke taron mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
