mera qissa bhi aaega wafa ki dastanon mein

mirā qissa bhī aa.egā vafā kī dāstānoñ meñ

mujhe mat DhūñDte rahnā jafā kī dāstānoñ meñ

maiñ bint-e-havvā ik din meñ badal dūñgī zamāne ko

mujhe mat qaid kar nāz-o-adā kī dāstānoñ meñ

nazar-andāz mujh ko kar nahīñ saktī kabhī duniyā

mujhe likkhā gayā zehn-e-rasā kī dāstānoñ meñ

mirā dil toḌne vaale kabhī sochā hai ye tū ne

tirā hī naam aa.egā sazā kī dāstānoñ meñ

zarā pūchho havāoñ se ki ye kaise mo.attar haiñ

mujhe pāoge tum bād-e-sabā kī dāstānoñ meñ

mire shānoñ pe lahrāte hue bāloñ ko mat chheḌo

mirī zulfeñ bhī shāmil haiñ ghaTā kī dāstānoñ meñ

khulā rakkhā 'iram' ne dil kā darvāza tirī ḳhātir

mirā hī tazkira hogā vafā kī dāstānoñ meñ

mera qissa bhi aaega wafa ki dastanon mein

mujhe mat DhunDte rahna jafa ki dastanon mein

main bint-e-hawwa ek din mein badal dungi zamane ko

mujhe mat qaid kar naz-o-ada ki dastanon mein

nazar-andaz mujh ko kar nahin sakti kabhi duniya

mujhe likkha gaya zehn-e-rasa ki dastanon mein

mera dil toDne wale kabhi socha hai ye tu ne

tera hi nam aaega saza ki dastanon mein

zara puchho hawaon se ki ye kaise moattar hain

mujhe paoge tum baad-e-saba ki dastanon mein

mere shanon pe lahraate hue baalon ko mat chheDo

meri zulfen bhi shamil hain ghaTa ki dastanon mein

khula rakkha 'iram' ne dil ka darwaza teri KHatir

mera hi tazkira hoga wafa ki dastanon mein