mera soz bhi tarannum meri aah bhi tarana

mirā soz bhī tarannum mirī aah bhī tarānā

mirī zindagī se sīkhe koī ġham meñ muskurānā

ye sitam-tarāz duniyā hai usī kī Thokaroñ meñ

ġham-e-zindagī ko jis ne ġham-e-zindagī na jaanā

na qafas hī mo'atabar hai na chaman se mutma.in dil

vahīñ bijliyāñ bhī hoñgī jahāñ hogā āshiyānā

ise jo banā.e insāñ ise jo samajh le duniyā

yahī zindagī haqīqat yahī zindagī fasāna

kabhī chashm-e-bāġhbāñ meñ kabhī barq kī nazar meñ

kahīñ maiñ khaTak rahā huuñ kahīñ merā āshiyānā

mera soz bhi tarannum meri aah bhi tarana

meri zindagi se sikhe koi gham mein muskurana

ye sitam-taraaz duniya hai usi ki Thokaron mein

gham-e-zindagi ko jis ne gham-e-zindagi na jaana

na qafas hi mo'atabar hai na chaman se mutmain dil

wahin bijliyan bhi hongi jahan hoga aashiyana

ise jo banae insan ise jo samajh le duniya

yahi zindagi haqiqat yahi zindagi fasana

kabhi chashm-e-baghban mein kabhi barq ki nazar mein

kahin main khaTak raha hun kahin mera aashiyana