mera yar jab se rawana hua

mirā yaar jab se ravāna huā

kahīñ bhī na apnā Thikānā huā

ghaḌī-do-ghaḌī kī judā.ī mujhe

lage yuuñ ki jaise zamānā huā

ḳhabar saarī duniyā kī rakhtā thā jo

vo ḳhud se bhī dil se begānā huā

na jaane vo mujh se hai nārāz kyoñ

hai kyā rūThne kā bahānā huā

koī shai bhī duniyā kī bhātī nahīñ

ye dil aisā us kā divānā huā

baḌā jurm hai pyaar karnā yahāñ

ki dushman ye saarā zamānā huā

nayā zaḳhm khāne ko tayyār haiñ

jo khāyā thā pahle purānā huā

jo dekhā use muskurāte hue

mire dil kā mausam suhānā huā

jo dekhā zarā muskurā kar mujhe

mirā hausla phir tavānā huā

mire paas baiTho ghaḌī-do-ghaḌī

ki mausam baḌā āshiqāna huā

mera yar jab se rawana hua

kahin bhi na apna Thikana hua

ghaDi-do-ghaDi ki judai mujhe

lage yun ki jaise zamana hua

KHabar sari duniya ki rakhta tha jo

wo KHud se bhi dil se begana hua

na jaane wo mujh se hai naraaz kyon

hai kya ruThne ka bahana hua

koi shai bhi duniya ki bhati nahin

ye dil aisa us ka diwana hua

baDa jurm hai pyar karna yahan

ki dushman ye sara zamana hua

naya zaKHm khane ko tayyar hain

jo khaya tha pahle purana hua

jo dekha use muskuraate hue

mere dil ka mausam suhana hua

jo dekha zara muskura kar mujhe

mera hausla phir tawana hua

mere pas baiTho ghaDi-do-ghaDi

ki mausam baDa aashiqana hua