mere aangan mein pili dhup jab diwar se utri

mire āñgan meñ piilī dhuup jab dīvār se utrī

añdhere kī siyah chādar na jaane aur kyoñ phailī

jalāyā ḳhvāhishoñ ne raat kī tanhā.ī meñ mujh ko

bahut hī duur thī par lazzatoñ kī narm-rau naddī

havā kā haath bhī ab jism terā gudgudā.egā

na so aisī rutoñ meñ khol kar yuuñ raat ko khiḌkī

ye būḌhā peḌ bechāra ḳhamoshī ko tarastā hai

sadā rahtī hai is pe gūñjtī chahkār chiḌiyoñ kī

tirā rangīn paikar ghūmtā hai aañkh meñ jaise

thiraktī Doltī shāḳhoñ pe uḌtī shoḳh sī titlī

kisī karvaT na chain aaya na aa.ī niiñd hī mujh ko

baḌī ġhamnāk ġham-angez kal kī raat thī 'fikrī'

mere aangan mein pili dhup jab diwar se utri

andhere ki siyah chadar na jaane aur kyon phaili

jalaya KHwahishon ne raat ki tanhai mein mujh ko

bahut hi dur thi par lazzaton ki narm-rau naddi

hawa ka hath bhi ab jism tera gudgudaega

na so aisi ruton mein khol kar yun raat ko khiDki

ye buDha peD bechaara KHamoshi ko tarasta hai

sada rahti hai is pe gunjti chahkar chiDiyon ki

tera rangin paikar ghumta hai aankh mein jaise

thirakti Dolti shaKHon pe uDti shoKH si titli

kisi karwaT na chain aaya na aai nind hi mujh ko

baDi ghamnak gham-angez kal ki raat thi 'fikri'