mere apnon ko bas ye khal raha tha

mire apnoñ ko bas ye khal rahā thā

mire pīchhe zamāna chal rahā thā

lahū kī bū mahal se aa rahī hai

yahāñ shāyad kabhī maqtal rahā thā

parindo haq se baiTho buildiñgoñ par

ki pahle is jagah jangal rahā thā

likhā thā bevafā ik baar mujh ko

so us kā haath barsoñ shal rahā thā

tirī dastār uchhlī ab moallim

kabhī juutā tirā afzal rahā thā

dhueñ kī lahr thī kuchh hī chhatoñ par

magar andar se har ghar jal rahā thā

'nabīl' us se chalo dānā.ī sīkheñ

vahī jo muddatoñ pāgal rahā thā

mere apnon ko bas ye khal raha tha

mere pichhe zamana chal raha tha

lahu ki bu mahal se aa rahi hai

yahan shayad kabhi maqtal raha tha

parindo haq se baiTho buildingon par

ki pahle is jagah jangal raha tha

likha tha bewafa ek bar mujh ko

so us ka hath barson shal raha tha

teri dastar uchhli ab moallim

kabhi juta tera afzal raha tha

dhuen ki lahr thi kuchh hi chhaton par

magar andar se har ghar jal raha tha

'nabil' us se chalo danai sikhen

wahi jo muddaton pagal raha tha