mere ashkon ki tughyani se pahle

mire ashkoñ kī tuġhyānī se pahle

ravāñ kashtī na thī paanī se pahle

tarastī thiiñ nigāheñ raushnī ko

charāġh-e-bazm-e-insānī se pahle

taḌaptā thā sarāpā dard ban kar

chaman merī nigahbānī se pahle

kise hāsil thī ḳhushbū āfiyat kī

hamārī bū-e-sultānī se pahle

lahū insāniyat ke bah rahe the

mohabbat kī jahāñbānī se pahle

na sar-chashma thā koī zindagī kā

mire dariyā kī tuġhyānī se pahle

sahar be-nūr thī duniyā-e-dil kī

mire sūraj kī tābānī se pahle

zuleḳhā-e-ġhazal thī ḳhuub lekin

adab ke yūsuf-e-sānī se pahle

'azīz' us par hai rab kī ḳhaas rahmat

jo dil jhuktā hai peshānī se pahle

mere ashkon ki tughyani se pahle

rawan kashti na thi pani se pahle

tarasti thin nigahen raushni ko

charagh-e-bazm-e-insani se pahle

taDapta tha sarapa dard ban kar

chaman meri nigahbani se pahle

kise hasil thi KHushbu aafiyat ki

hamari bu-e-sultani se pahle

lahu insaniyat ke bah rahe the

mohabbat ki jahanbani se pahle

na sar-chashma tha koi zindagi ka

mere dariya ki tughyani se pahle

sahar be-nur thi duniya-e-dil ki

mere suraj ki tabani se pahle

zuleKHa-e-ghazal thi KHub lekin

adab ke yusuf-e-sani se pahle

'aziz' us par hai rab ki KHas rahmat

jo dil jhukta hai peshani se pahle