mere badan ko ghusl de ke pak kar diya gaya

mire badan ko ġhusl de ke paak kar diyā gayā

phir is ke baad mujh ko zer-e-ḳhāk kar diyā gayā

jahāñ pe thoḌī der hī sahī vo aate the magar

ye kyā huā ki khiḌkiyoñ ko lock kar diyā gayā

sitamgaroñ ke zulm se huā ye fā.eda hameñ

ki ham ko har tarīqe se be-bāk kar diyā gayā

yahāñ pe jhuuT hī kā bas hai bol-bālā har taraf

hai jis ne haq kī baat kī halāk kar diyā gayā

zarīya ab koī nahīñ maiñ un ko kaise ḳhat likhūñ

ki duur ghar ke paas se hai Daak kar diyā gayā

bahut dinoñ ke baad dil 'hirā' kahīñ lagā magar

phir ek hī ghaḌī meñ dil ko chaak kar diyā gayā

mere badan ko ghusl de ke pak kar diya gaya

phir is ke baad mujh ko zer-e-KHak kar diya gaya

jahan pe thoDi der hi sahi wo aate the magar

ye kya hua ki khiDkiyon ko lock kar diya gaya

sitamgaron ke zulm se hua ye faeda hamein

ki hum ko har tariqe se be-bak kar diya gaya

yahan pe jhuT hi ka bas hai bol-baala har taraf

hai jis ne haq ki baat ki halak kar diya gaya

zariya ab koi nahin main un ko kaise KHat likhun

ki dur ghar ke pas se hai Dak kar diya gaya

bahut dinon ke baad dil 'hira' kahin laga magar

phir ek hi ghaDi mein dil ko chaak kar diya gaya