mere besh-o-kam ke pichhe tera hath hai ziyaada

mire besh-o-kam ke pīchhe tirā haath hai ziyāda

mirā din banāne vaale mirī raat hai ziyāda

yahāñ ek had se aage kisī zo.am meñ na rahnā

tujhe chhoḌ jaane vaalā tire saath hai ziyāda

jo sirhāne rakkhe rakkhe shab-e-ġham meñ so gayā hai

mirā kaam karne vaalā vahī haath hai ziyāda

vo jo asl vāqi.a hai use khol kar bayāñ kar

tū jo kah rahā hai us se zarā baat hai ziyāda

mirī aas ke ufuq se mujhe lag rahī hai chhoTī

kisī dūsrī taraf se yahī raat hai ziyāda

huī mujh se ik ḳhayānat kahīñ kuchh sameTne meñ

mire aage ik jagah par mirī zaat hai ziyāda

hai shikast o fat.h 'shāhīñ' yahāñ zindagī kā hissa

mujhe dukh bahut hai jis kā koī maat hai ziyāda

mere besh-o-kam ke pichhe tera hath hai ziyaada

mera din banane wale meri raat hai ziyaada

yahan ek had se aage kisi zoam mein na rahna

tujhe chhoD jaane wala tere sath hai ziyaada

jo sirhane rakkhe rakkhe shab-e-gham mein so gaya hai

mera kaam karne wala wahi hath hai ziyaada

wo jo asl waqia hai use khol kar bayan kar

tu jo kah raha hai us se zara baat hai ziyaada

meri aas ke ufuq se mujhe lag rahi hai chhoTi

kisi dusri taraf se yahi raat hai ziyaada

hui mujh se ek KHayanat kahin kuchh sameTne mein

mere aage ek jagah par meri zat hai ziyaada

hai shikast o fath 'shahin' yahan zindagi ka hissa

mujhe dukh bahut hai jis ka koi mat hai ziyaada