mere dil-gulsitan ko kis liye aabaad karna tha

mire dil-gulsitāñ ko kis liye ābād karnā thā

agar us ko mire haq se mujhe āzād karnā thā

mirī sāñseñ mire ghuT ghuT ke mar jaane pe chaltī haiñ

use shāyad mujhe minnat-kash-e-fariyād karnā thā

mujhe ik ajnabī ne Dūbne se kyuuñ bachāyā thā

maiñ ab samjhā use ḳhud hī mujhe barbād karnā thā

vo mahbūba to ik shoa.la-fishāñ hai phūl-qālib meñ

ḳhudā ko asl meñ ham par sitam ījād karnā thā

shab-e-hijrāñ ne kaisī uljhanoñ meñ mujh ko uljhāyā

ki jis ko bhuul jaanā thā usī ko yaad karnā thā

mere dil-gulsitan ko kis liye aabaad karna tha

agar us ko mere haq se mujhe aazad karna tha

meri sansen mere ghuT ghuT ke mar jaane pe chalti hain

use shayad mujhe minnat-kash-e-fariyaad karna tha

mujhe ek ajnabi ne Dubne se kyun bachaya tha

main ab samjha use KHud hi mujhe barbaad karna tha

wo mahbuba to ek shoala-fishan hai phul-qalib mein

KHuda ko asl mein hum par sitam ijad karna tha

shab-e-hijran ne kaisi uljhanon mein mujh ko uljhaya

ki jis ko bhul jaana tha usi ko yaad karna tha