mere dil ki dhaDak uske tabassum par garan kyun ho
mere dil ki dhaDak uske tabassum par garan kyun ho
Manzoor Husain shor
MORE BYManzoor Husain shor
mire dil kī dhaḌak us ke tabassum par garāñ kyuuñ ho
maiñ afsāna huuñ us kā vo mirā afsāna-ḳhvāñ kyuuñ ho
mire kaam aa ga.ī āḳhir mirī kāshāna-bar-doshī
lapaktī bijliyoñ kī zad pe merā āshiyāñ kyuuñ ho
kināroñ se guzar jaanā hī tūfānoñ kī fitrat hai
jahāñ duniyā Thahar jaa.e qadam merā vahāñ kyuuñ ho
tirā jalva bhī jab terā hī parda hotā jaatā hai
to phir merī nigāhoñ par nigāhoñ kā gumāñ kyuuñ ho
na maiñ vārafta-e-mutrib na maiñ jāñ-dāda-e-sāqī
agar mahfil se uTh jā.ūñ to mahfil bad-gumāñ kyuuñ ho
maiñ jis aalam meñ huuñ apnī jagah ai 'shor' tanhā huuñ
judā ho jis kī manzil vo rahīn-e-kārvāñ kyuuñ ho
mere dil ki dhaDak us ke tabassum par garan kyun ho
main afsana hun us ka wo mera afsana-KHwan kyun ho
mere kaam aa gai aaKHir meri kashana-bar-doshi
lapakti bijliyon ki zad pe mera aashiyan kyun ho
kinaron se guzar jaana hi tufanon ki fitrat hai
jahan duniya Thahar jae qadam mera wahan kyun ho
tera jalwa bhi jab tera hi parda hota jata hai
to phir meri nigahon par nigahon ka guman kyun ho
na main warafta-e-mutrib na main jaan-dada-e-saqi
agar mahfil se uTh jaun to mahfil bad-guman kyun ho
main jis aalam mein hun apni jagah ai 'shor' tanha hun
juda ho jis ki manzil wo rahin-e-karwan kyun ho
- Book : Nuquush Lahore (Pg. 477)
- Author : Mohd Tufail
- Publication : Idara Farog-e-urdu, Lahore (Feb.1956 )
- Edition : Feb.1956
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
