mere diye tera nemul-badal raha hun main

mire diye tirā ne'mul-badal rahā huuñ maiñ

tū bujh gayā hai to ab dekh jal rahā huuñ maiñ

ye aur baat ki ham donoñ ham-qadam haiñ magar

vo mere saath na saath us ke chal rahā huuñ maiñ

ye tū ki terā hayūlā ki ḳhvāb hai merā

zarā Thahar ki abhī āñkheñ mal rahā huuñ maiñ

vo dauḌne meñ kahīñ laḌkhaḌā ke gir na paḌe

vo jiit jaa.e so āhista chal rahā huuñ maiñ

mah-o-nujūm ne mujh se bahut guzārish kī

so shaam hone se pahle hī Dhal rahā huuñ maiñ

safar kā shauq hai manzil kī koī chaah nahīñ

so jān-būjh ke raste badal rahā huuñ maiñ

qubūl karte haiñ sab log muñh banā ke mujhe

purāne note kī mānind chal rahā huuñ maiñ

mire dimāġh pe dil ġhālib aa rahā hai 'kamāl'

har ek chaap pe bāhar nikal rahā huuñ maiñ

mere diye tera ne'mul-badal raha hun main

tu bujh gaya hai to ab dekh jal raha hun main

ye aur baat ki hum donon ham-qadam hain magar

wo mere sath na sath us ke chal raha hun main

ye tu ki tera hayula ki KHwab hai mera

zara Thahar ki abhi aankhen mal raha hun main

wo dauDne mein kahin laDkhaDa ke gir na paDe

wo jit jae so aahista chal raha hun main

mah-o-nujum ne mujh se bahut guzarish ki

so sham hone se pahle hi Dhal raha hun main

safar ka shauq hai manzil ki koi chah nahin

so jaan-bujh ke raste badal raha hun main

qubul karte hain sab log munh bana ke mujhe

purane note ki manind chal raha hun main

mere dimagh pe dil ghaalib aa raha hai 'kamal'

har ek chap pe bahar nikal raha hun main