mere gharib se ghar mein tere qadam aae

mire ġharīb se ghar meñ tire qadam aa.e

vo chand lamhe the jo zindagī meñ kam aa.e

kabhī to aañkh meñ ulfat kī raushnī dekhūñ

kabhī to pyaar meñ Dhal kar tirā sitam aa.e

yahī ḳhayāl hai roz-e-azal ḳhudā ke huzūr

tamām log ḳhushī le chuke to ham aa.e

kabhī kabhī to zamānoñ ke ba.ad milte ho

milā karo ki zarā dostī meñ dam aa.e

ye sāneha hai ki saada the jis qadar 'ġhaznī'

rah-e-hayāt meñ utne hī pech-o-ḳham aa.e

mere gharib se ghar mein tere qadam aae

wo chand lamhe the jo zindagi mein kam aae

kabhi to aankh mein ulfat ki raushni dekhun

kabhi to pyar mein Dhal kar tera sitam aae

yahi KHayal hai roz-e-azal KHuda ke huzur

tamam log KHushi le chuke to hum aae

kabhi kabhi to zamanon ke baad milte ho

mila karo ki zara dosti mein dam aae

ye saneha hai ki sada the jis qadar 'ghazni'

rah-e-hayat mein utne hi pech-o-KHam aae