mere haal par mehrbani kare

mire haal par mehrbānī kare

ḳhudā se kaho hukm-e-sānī kare

maiñ ik buuñd paanī baḌī chiiz huuñ

samundar mirī pāsbānī kare

paḌheñ log tahrīr-e-dīvār o dar

ḳhulāsa mirī be-zabānī kare

azal se maiñ us ke ta.āqub meñ huuñ

jo lamha mujhe ġhair-fānī kare

vo baḳhshe ujāle kisī sub.h ko

koī shaam raushan suhānī kare

mire saa.e meñ sab haiñ mere sivā

koī to mirī sā.ebānī kare

koī hai jo baḌh ke uThā le 'amīr'

vo tesha jo patthar ko paanī kare

mere haal par mehrbani kare

KHuda se kaho hukm-e-sani kare

main ek bund pani baDi chiz hun

samundar meri pasbani kare

paDhen log tahrir-e-diwar o dar

KHulasa meri be-zabani kare

azal se main us ke taaqub mein hun

jo lamha mujhe ghair-fani kare

wo baKHshe ujale kisi subh ko

koi sham raushan suhani kare

mere sae mein sab hain mere siwa

koi to meri saebani kare

koi hai jo baDh ke uTha le 'amir'

wo tesha jo patthar ko pani kare