mere hi jaisa mere dar pe ek sawali hai

mire hī jaisā mire dar pe ik savālī hai

maiñ kyā karūñ ki mirā haath ḳhud hī ḳhālī hai

abhī bhī duur hai sabze se kisht-zār-e-umīd

ki ab ke saal bhī pahlī sī ḳhushk-sālī hai

tire qarīb na aate ki terī qurbat meñ

kise ḳhabar thī ki is tarah pā.emālī hai

talāsh ham ko bhī hai apne āsmānoñ kī

ḳhalā meñ ham ne bhī apnī zamīñ uchhālī hai

har ek lamha na.e zalzaloñ se laḌte haiñ

kisī ne mamlikat-e-dil na yuuñ sañbhālī hai

jalā chukā huuñ maiñ saare anāsir-e-ehsās

zarā sī jaan magar maiñ ne kyoñ bachā lī hai

vo qatl ho gayā āḳhir manāo jashn 'sho.aib'

tumheñ thā vahm ki phir ab ke vaar ḳhālī hai

mere hi jaisa mere dar pe ek sawali hai

main kya karun ki mera hath KHud hi KHali hai

abhi bhi dur hai sabze se kisht-zar-e-umid

ki ab ke sal bhi pahli si KHushk-sali hai

tere qarib na aate ki teri qurbat mein

kise KHabar thi ki is tarah paemali hai

talash hum ko bhi hai apne aasmanon ki

KHala mein hum ne bhi apni zamin uchhaali hai

har ek lamha nae zalzalon se laDte hain

kisi ne mamlikat-e-dil na yun sanbhaali hai

jala chuka hun main sare anasir-e-ehsas

zara si jaan magar main ne kyon bacha li hai

wo qatl ho gaya aaKHir manao jashn 'shoaib'

tumhein tha wahm ki phir ab ke war KHali hai