mere kahe pe kabhi aaj tak chala bhi nahin
mire kahe pe kabhī aaj tak chalā bhī nahīñ
na jaane kaun hai vo saath chhoḌtā bhī nahīñ
ye shahr-e-saut-o-sadā hai na hai ye dasht-e-sukūt
yahāñ se bach ke nikalne kā rāsta bhī nahīñ
ajiib aag thī har chiiz jal ke raakh huī
maiñ bad-nasīb thā is aag meñ jalā bhī nahīñ
siyāh rātoñ meñ har shai Dubo chukā huuñ magar
vo ek dard kā sūraj ki Dūbtā bhī nahīñ
sabhī guzarte haiñ ik lamha dekh kar ham ko
hamārā naam pata koī pūchhtā bhī nahīñ
mere kahe pe kabhi aaj tak chala bhi nahin
na jaane kaun hai wo sath chhoDta bhi nahin
ye shahr-e-saut-o-sada hai na hai ye dasht-e-sukut
yahan se bach ke nikalne ka rasta bhi nahin
ajib aag thi har chiz jal ke rakh hui
main bad-nasib tha is aag mein jala bhi nahin
siyah raaton mein har shai Dubo chuka hun magar
wo ek dard ka suraj ki Dubta bhi nahin
sabhi guzarte hain ek lamha dekh kar hum ko
hamara nam pata koi puchhta bhi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
