mere KHayal se jo inhiraf karta raha

mire ḳhayāl se jo inhirāf kartā rahā

tamām 'umr maiñ us kā tavāf kartā rahā

jo shaḳhs sab se ziyāda 'azīz thā mujh ko

har ek baat vo mere ḳhilāf kartā rahā

vo chāhtā to mujhe daar par chaḌhā detā

har ek jurm magar vo mu'āf kartā rahā

vujūd jis kā thā shaffāf jhiil kī mānind

vo apne dard kā ḳhud e'tirāf kartā rahā

farāḳh-dil thā jo logoñ ke ghar basāne meñ

vo shaḳhs apne hī ghar meñ shigāf kartā rahā

har ek moḌ pe rusvā huā maiñ jis ke liye

mirī hī bātoñ se vo iḳhtilāf kartā rahā

mere KHayal se jo inhiraf karta raha

tamam 'umr main us ka tawaf karta raha

jo shaKHs sab se ziyaada 'aziz tha mujh ko

har ek baat wo mere KHilaf karta raha

wo chahta to mujhe dar par chaDha deta

har ek jurm magar wo mu'af karta raha

wujud jis ka tha shaffaf jhil ki manind

wo apne dard ka KHud e'tiraf karta raha

faraKH-dil tha jo logon ke ghar basane mein

wo shaKHs apne hi ghar mein shigaf karta raha

har ek moD pe ruswa hua main jis ke liye

meri hi baaton se wo iKHtilaf karta raha