mere naseh mujhe samjha rahe hain

mire nāseh mujhe samjhā rahe haiñ

farīza hai adā farmā rahe haiñ

dhuāñ uThtā hai ik ik mū-e-tan se

sazā apne kiye kī pā hai haiñ

tilism-e-hasti-e-fānī dikhā kar

abhī kuchh der vo bhulā rahe haiñ

jahāñ se kal hameñ aanā paḌā thā

vahīñ majbūr ho kar jā rahe haiñ

dikhā deñge 'azīz' anjām-e-duniyā

abhī to ḳhair dhokā khā rahe haiñ

mere naseh mujhe samjha rahe hain

fariza hai ada farma rahe hain

dhuan uThta hai ek ek mu-e-tan se

saza apne kiye ki pa hai hain

tilism-e-hasti-e-fani dikha kar

abhi kuchh der wo bhula rahe hain

jahan se kal hamein aana paDa tha

wahin majbur ho kar ja rahe hain

dikha denge 'aziz' anjam-e-duniya

abhi to KHair dhoka kha rahe hain