مرے نصیب میں لکھے ہوئے کو ٹالتا ہے

مرے نصیب میں لکھے ہوئے کو ٹالتا ہے

کوئی تو ہے جو مجھے اس طرح سنبھالتا ہے

بیان حال دل زار کس طرح کرتا

وہ میری بات کو سنتا نہیں اچھالتا ہے

خراج ہم پہ لگا کر بڑی سہولت سے

ہمارے کھاتے میں اپنا خسارہ ڈالتا ہے

اگرچہ ہم تو ملاتے ہیں زہر مٹی میں

مگر جو ذائقے میٹھے شجر نکالتا ہے

اڑا کے دھول گزرتا ہے میرے رستے میں

سفر کو جب وہ کسی سانحے میں ڈھالتا ہے

پھر ایک وقت کسی کام کا نہیں رہتا

جو باپ خون پسینے سے تم کو پالتا ہے