mere qatil main tujhe chahunga dollar ki tarah

mire qātil maiñ tujhe chāhūñgā dollar kī tarah

tujh pe likkhūñgā qasīde kisī shā'ir kī tarah

mirī pahchān shafaq-rang banegī terī

tujh ko chāhūñgā ba-sad-shauq maiñ ahmar kī tarah

khet vīrān raheñ mere ki banjar ab ke

DhūñD lūñgā tirī daulat ko maiñ zar-gar kī tarah

jashn kar leñge bapā jiit kā go haar hī ho

boTiyāñ nocheñge ham bhī kisī burger kī tarah

ham tirī chaah meñ rakh leñge jabīñ par sūraj

vo nigal leñ hameñ chāhe kisī azhdar kī tarah

ham bhī ho jaa.eñ tanau-mand tirī duniyā meñ

kyoñ phireñ ham bhī zamāne meñ ye lāġhar kī tarah

daur koī bhī nahīñ rahtā hai qaa.em har dam

parda-sīmīñ se miTeñge sabhī manzar kī tarah

mere qatil main tujhe chahunga dollar ki tarah

tujh pe likkhunga qaside kisi sha'ir ki tarah

meri pahchan shafaq-rang banegi teri

tujh ko chahunga ba-sad-shauq main ahmar ki tarah

khet viran rahen mere ki banjar ab ke

DhunD lunga teri daulat ko main zar-gar ki tarah

jashn kar lenge bapa jit ka go haar hi ho

boTiyan nochenge hum bhi kisi burger ki tarah

hum teri chah mein rakh lenge jabin par suraj

wo nigal len hamein chahe kisi azhdar ki tarah

hum bhi ho jaen tanau-mand teri duniya mein

kyon phiren hum bhi zamane mein ye laghar ki tarah

daur koi bhi nahin rahta hai qaem har dam

parda-simin se miTenge sabhi manzar ki tarah